2026 оны 9 дүгээр сарын 24-нд төрийн цахим үйлчилгээний GOV.MN хуудсанд нийтэлсэн мэдээллээр “Хүүхдийн төлөө – ЗА бол ЗААВАЛ хийе” үндэсний хөдөлгөөний хүрээнд хүүхдийн гэр бүл, боловсролын орчны аюулгүй байдлыг үнэлэх цахим судалгаанд 11,744 иргэн оролцжээ. Судалгааг 8 дугаар сарын 28-наас 9 дүгээр сарын 4-ний хооронд E-Mongolia системээр авсан байна.

Мэдээлэлд дурдсанаар хөдөлгөөний эхний үе шат 2026 оны 6 дугаар сарын 1-нээс 12 дугаар сарын 25 хүртэл, дараагийн үе шат 2027 оны 1 дүгээр сарын 1-нээс 5 дугаар сарын 30 хүртэл үргэлжилнэ. Иргэд хүүхдийн эрх, аюулгүй байдалд нөлөөлж болзошгүй эрсдэлийн талаар E-Mongolia системийн E-Kids цэсээр мэдээлэх боломжийг үе шаттай зохион байгуулж байгаа аж.

Судалгааны үр дүнг хүүхдэд ээлтэй, аюулгүй орчин бүрдүүлэх цаашдын арга хэмжээг төлөвлөхөд ашиглахаар мэдээлжээ. Эцэг эх, асран хамгаалагчид гэр, сургууль, цахим орчин дахь эрсдэлийг анзаарч, шаардлагатай үед холбогдох байгууллагад мэдээлэх нь хүүхэд хамгааллын нэг хэсэг юм.

Эх сурвалж: Монгол Улсын Засгийн газрын цахим үйлчилгээний портал, 2026.09.24 — https://www.gov.mn/news/n/a7cf